ტურიზმი – ეკონომიკის მამოძრავებელი ძალა
ტურიზმი ქმნის ახალ სამუშაო ადგილებს და ზრდის რეგიონების ეკონომიკურ შესაძლებლობებს, რაც ქვეყნის მდგრად განვითარებას უწყობს ხელს.
საქართველო – აღმოაჩინე განსხვავებული სამყარო
საქართველო გთავაზობთ უნიკალურ გამოცდილებებს – უძველესი კულტურა, კავკასიის მთების სილამაზე და ტრადიციული სტუმარმასპინძლობა.
მდგრადი ტურიზმი – ბუნების დაცვით
ეკოტურიზმის ხელშეწყობით და დაცული ტერიტორიების განვითარებით, საქართველო ხელს უწყობს ბუნებრივი მემკვიდრეობის შენარჩუნებასა და ადგილობრივი თემების გაძლიერებას.
ტრადიციები, ფესტივალები და კულტურული მრავალფეროვნება
საქართველოს ფესტივალები და კულტურული ღონისძიებები საშუალებას გაძლევთ შეიგრძნოთ ქვეყნის სული, ტრადიციები და სტუმართმოყვარეობა.
საქართველო – ოთხი სეზონის ქვეყანა
ზამთრის სათხილამურო კურორტები, გაზაფხულის ბუნება, საზაფხულო სანაპირო დასვენება და შემოდგომის ღვინის კულტურა ქმნის დაუვიწყარ თავგადასავალს მთელი წლის განმავლობაში.
მისია, მიზანი და ხედვა
საქართველოს ტურიზმის ეროვნული ადმინისტრაცია ხელს უწყობს საერთაშორისო ვიზიტორების მოზიდვას და შიდა ტურიზმის განვითარებას. მისი მიზანია საქართველო წარმოაჩინოს, როგორც მაღალი ხარისხის ტურისტული ქვეყანა, გამორჩეული კულტურული და ბუნებრივი მემკვიდრეობით, მომსახურების მაღალი დონითა და სტუმარმასპინძლობის ტრადიციით, რაც ვიზიტორებისთვის უნიკალურ გამოცდილებას ქმნის.
ტურისტების ჯანმრთელობისა და უბედური შემთხვევის სავალდებულო დაზღვევის პირობები
ტურისტების ჯანმრთელობისა და უბედური შემთხვევის სავალდებულო დაზღვევის პირობები
2026 წლის 1 იანვრიდან „ტურიზმის შესახებ“ საქართველოს კანონის თანახმად, საქართველოს ტერიტორიაზე შემოსვლისას ტურისტი ვალდებულია თან იქონიოს ჯანმრთელობისა და უბედური შემთხვევის დაზღვევის პოლისი მატერიალური ან ელექტრონული ფორმით, ქართულ ან ინგლისურ ენაზე.
პოლისის სადაზღვევო თანხა სავალდებულოა შეადგენდეს არანაკლებ 30 000 ლარს. პოლისი შეიძლება გაცემული იყოს როგორც ქართული, ასევე უცხოეთის სადაზღვევო კომპანიის მიერ.
პოლისში აუცილებელია მითითებული იყოს შემდეგი მონაცემები:
- დაზღვევის მხარეები;
- დაფარული ტერიტორია;
- დაზღვევის საგანი;
- დაზღვევის დაწყებისა და დასრულების დრო;
- სადაზღვევო რისკები და სადაზღვევო თანხის ოდენობა (ლიმიტები);
- სადაზღვევო შესატანის მოცულობა, გადახდის ადგილი და ვადა.
ზემოხსენებულთან ერთად, გასათვალისწინებელია, რომ ტურისტს ჯანმრთელობა და უბედური შემთხვევა საჭიროა დაზღვეული ჰქონდეს საქართველოში შემოსვლიდან მისი დაყოვნების სრულ პერიოდზე.
პოლისის ქონის ვალდებულება არ ვრცელდება:
- დიპლომატიური ან სპეციალური ვიზის მფლობელ პირებზე;
- დიპლომატიური, ოფიციალური, სამსახურებრივი ან სპეციალური პასპორტის მფლობელ პირებზე;
- საქართველოში დიპლომატიური წარმომადგენლობების, საკონსულო დაწესებულებების, საერთაშორისო ორგანიზაციების წარმომადგენლობების, აგრეთვე მათთან გათანაბრებული წარმომადგენლობების აკრედიტებულ თანამშრომლებზე, აგრეთვე თანამშრომელთა იმ ოჯახის წევრებზე, რომლებსაც აქვთ აკრედიტაცია;
- პირებზე, რომელთა საქართველოში შემოსვლა გათვალისწინებულია საერთაშორისო შეთანხმებებით ან ხელშეკრულებებით;
- საერთაშორისო საავტომობილო სატვირთო გადაზიდვებსა და სამგზავრო გადაყვანებში ჩართულ მძღოლებზე.
„საქართველოში შემომსვლელი ტურისტების ჯანმრთელობისა და უბედური შემთხვევის სავალდებულო დაზღვევის წესისა და პირობების დამტკიცების შესახებ“ საქართველოს მთავრობის N602 დადგენილების ძალაში შესვლის თარიღად განსაზღვრულია 2026 წლის 1 იანვარი.
ჩვენ შესახებ
სსიპ – საქართველოს ტურიზმის ეროვნული ადმინისტრაცია არის საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირი და სახელმწიფო კონტროლით დამოუკიდებლად ახორციელებს თავის საქმიანობას.
ადმინისტრაციის მიზნებია საქართველოში ტურიზმის განვითარების სახელმწიფო პოლიტიკის ჩამოყალიბება და განხორციელება, მდგრადი ტურიზმის განვითარების ხელშეწყობა, ტურიზმის განვითარების საფუძველზე, ქვეყანაში მაღალი საექსპორტო შემოსავლების ზრდისა და ახალი სამუშაო ადგილების შექმნის ხელშეწყობა, საქართველოს პოპულარიზაცია საერთაშორისო და შიდა ტურისტული ნაკადების ზრდის მიზნით, ასევე ტურისტულად მნიშვნელოვანი კულტურული ღონისძიებების ხელშეწყობა.
მედია ცენტრი
გაეცანით უახლეს ტურისტულ ინფორმაციას ჩვენი სტატიების და ბლოგების მეშვეობით
ტურიზმის ეროვნული ადმინისტრაციის წარმომადგენლებმა საქართველოში მოქმედი გიდების ოთხი ასოციაციისა და პროფკავშირების წევრებთან „შრომითი მიგრაციის შესახებ” საქართველოს კანონში მიღებული ცვლილებისა და აღსრულების მექანიზმის შესახებ იმსჯელეს
ტურიზმის ეროვნული ადმინისტრაციის წარმომადგენლებმა საქართველოში მოქმედი გიდების...
აღმოაჩინე საქართველო
უძველესი კულტურის, ულამაზესი ბუნებისა და მრავალფეროვანი თავგადასავლების ქვეყანა.
დაგეგმე ღონისძიება, აღმოაჩინე უნიკალური შესაძლებლობები
ჩვენ დაგეხმარებით საუკეთესო ღონისძიებების დაგეგმვაში.
მოიძიე საუკეთესო ადგილი დაუვიწყარი მოგზაურობისთვის
გაეცანი ქვეყნის სხვადასხვა ტურისტულ ლოკაციებს, რაც საუკეთესო საშუალებას მოგცემთ შეიგრძნოთ საქართველოს მრავალფეროვნება.
მიიღე მონაწილეობა საერთაშორისო გამოფენებში
საქართველოს ტურიზმის ეროვნული ადმინისტრაცია ხელს უწყობს ქვეყნის უნიკალური ტურისტული პოტენციალის პოპულარიზაციას მსოფლიოში.
