ტურიზმის ეროვნულმა ადმინისტრაციამ საქართველოში ექსტრემალური სათავგადასავლო ტურიზმის, კანიონინგის მარშრუტების განვითარება დაიწყო. სამეგრელოში მდებარე კანიონებს ექსტრემალური ტურიზმის მოყვარულები უკვე სექტემბრიდან ეწვევიან. ტურიზმის ეროვნული ადმინისტრაციის ინფორმაციით, კანიონინგი საკმაოდ პოპულარული აქტივობაა დასავლეთ ევროპის ქვეყნებში და მისდამი ინტერესი მსოფლიო მასშტაბით თანდათანობით იზრდება. კანიონინგი მოიცავს სხვადასხვა ტექნიკას, როგორიცაა: ფეხით სიარული, ჩანჩქერებზე თოკით დაშვება, ცოცვა, ცურვა და გადმოხტომა.