გურია პირველად გემო ფესტს მასპინძლობს. გასტრონომიული ფესტივალი შეკვეთილში, მუსიკოსთა პარკში, ტურიზმის ეროვნული ადმინისტრაციის ორგანიზებით მიმდინარეობს.
გემო ფესტი 23-24 აგვისტოს ტარდება.
ფესტივალში ოზურგეთის, ლანჩხუთისა და ჩოხატაურის მუნიციპალიტეტებიდან 13 მზარეული მონაწილეობს.
გასტრონომიული ფესტივალის მონაწილეებს შესაძლებლობა აქვთ წარადგინონ ტრადიციული, ასევე იშვიათი და ნაკლებად ცნობილი გურული კერძები, რომლებსაც ფესტივალის სტუმრები აგემოვნებენ.
მუსიკოსთა პარკში მოეწყო კვების სივრცე, სამეწარმეო და ღვინის ბაზარი. ფესტივალის ფარგლებში მიმდინარეობს სხვადასხვა სახის შემეცნებითი და გასართობი აქტივობები. ფესტივალი მუსიკალურად გაფორმდა.
