გერმანიის, საფრანგეთის, დიდი ბრიტანეთისა და  სხვა ქვეყნების 60-მდე საერთაშორისო გაყიდვების კომპანიის წარმომადგენელი ქართულ კულტურასა და  კულინარიას გაეცნო. სპეციალური მიღება m&i-ის ფორუმის მონაწილეებისათვის საქართველოს ტურიზმის ეროვნულმა ადმინისტრაციამ მოაწყო.

საქმიანი ტურიზმის სფეროში ერთ-ერთი ყველაზე მასშტაბური ფორუმი თბილისში ტურიზმის ეროვნული ადმინისტრაციის საკონვენციო და საგამოფენო ბიუროს ორგანიზებით  ტარდება. ფორუმის ფარგლებში გაიმართება საქმიანი შეხვედრები ქართული კომპანიების წარმომადგენლებთან.

m&i-ის ფორუმის დამკვეთები სამიზნე ბაზრებზე მოღვაწე მაღალი გაყიდვების მქონე კომპანიებს წარმოადგენენ, რომლებიც აქტიურად მუშაობენ ღონისძიებების დამკვეთ კლიენტებთან, შემდგომში ღონისძიების ორგანიზებისთვის სხვადასხვა ქვეყნისა თუ დანიშნულების ადგილის შეთავაზების მიზნით.

ფორუმის მიზანია  საქართველოში მსხვილი  საერთაშორისო კონფერენციების,  ფორუმების, კონგრესების ჩატარება.