“Winter in Georgia” -საქართველოს საიმიჯო ვიდეორგოლი Euronews-ზე

Euronews-ის ეთერით  საქართველოს საიმიჯო  ვიდეორგოლის ჩვენება დაიწყო.  ზამთრის ტურისტული კამპანიის ფარგლებში კლიპი   Euronews-ის მრავალმილიონიან აუდიტორიას  საქართველოს ზამთრის კურორტებს,  ტურისტულ ადგილებს და ქვეყნის  კულტურას აცნობს.    სარეკლამო კამპანია  Euronews-ზე 27 ნოემბერს დაიწყო  და 25 დეკემბრამდე გაგრძელდება.

“Winter in Georgia”-ის ვიდეორგოლის გარდა Euronews  „თბილისის აბრეშუმის გზის ფორუმი“-ს შესახებ  სპეციალურ რეპორტაჟს და თბილისის ტურს ამზადებს, ასევე თბილისის ტურს მიეძღვნება ვიდეორგოლიც  რომელიც წამყვანი ევროპული ტელევიზიის ეთერით  გადაიცემა.

Euronews-ს 400 მილიონზე მეტი მაყურებელი  ჰყავს, მაუწყებლობს 14 ენაზე 155 ქვეყანაში.

ტურიზმის ეროვნული ადმინისტრაცია 2017-18 წლების ზამთრის კამპანიას 19 ქვეყანაში ატარებს:  გერმანია, იტალია, დიდი ბრიტანეთი, პოლონეთი, ლიტვა, ლატვია, ესტონეთი, უკრაინა, ბელორუსი, რუსეთი, აზერბაიჯანი, სომხეთი, ყაზახეთი, თურქეთი, ისრაელი ქუვეითი, ბაჰრეინი, საუდის არაბეთი და არაბეთის გაერთიანებული საამიროები.

 

 

Your browser is out of date. It has security vulnerabilities and may not display all features on this site and other sites.

Please update your browser using one of modern browsers (Google Chrome, Opera, Firefox, IE 10).

X