Startup Grind Tbilisi

 

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა Startup Grind-ის ღონისძიების წევრებს სიტყვით მიმართა და ტურიზმის სექტორში ახალგაზდა სტარტაპების როლის მნიშვნელობაზე ისაუბრა. შეხვედრას 500-მდე კერძო სექტორის წარმომადგენელი, მეწარმეები და ინვესტორები დაესწრნენ.
ღონისძიების მონაწილეებს სიტყვით მიმართა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

სტუმრებს საკუთარი გამოცდილება გაუზიარა აჭარა ჯგუფის გენერალურმა დირექტორმა ვალერი ჩეხერიამ.

შეხვდრაზე ტურიზმის თემატური სტარტაპების გამოფენა გაიმართა.

ღონისძიება საქართველოს ინოვაციებისა და ტექნოლოგიების სააგენტოს მხარდაჭერით გაიმართა.
ღონისძიების სპონსორები არიან: აშშ-ს საელჩო საქართველოში, USAID Zrda Activity in Georgia და თბილისის მერია.

Startup Grind მეწარმეობისა და სტარტაპების სფეროში მსოფლიოში ყველაზე მსხვილი ორგანიზაციაა. სათაო ოფისი მდებარეობს სილიკონის ველზე და ის აერთიანებს 2 მილიონ ახალგაზრდას მსოფლიოს 125 ქვეყნის 500 ქალაქიდან.

Startup Grind Tbilisi-ს მთავარი ამოცანაა სტარტაპ საზოგადოების ფორმირება საქართველოში. აღნიშნული ღონისძიების მიზანია თბილისმა წარმოაჩინოს მისი პოტენციალი და დაიმკვიდროს ღირსეული ადგილი ტექნოლოგიებისა და ინოვაციების გლობალურ რუკაზე.

„მსგავსი შეხვედრები ძალიან მნიშვნელოვანია და ორ მიზანს ემსახურება. ჩვენ გვჯერა რომ ასეთი ღონისძიებები ხელს შეუწყობს, საქართველოს როგორც რეგიონული ჰაბის ფორმირებას, ასევე ეს აერთიანებს ძალიან ბევრ ახალგაზრდას,  ეს ადამიანები პოზიციონირდებიან როგორც სტარტაპერები და განსაკუთრებით აქტიურები არიან ტურიზმის მიმართულებით. ჩვენი ძირითადი როლი არის ასეთი მოტივირებული ადამიანების ხელშეწყობა. „განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

 

Your browser is out of date. It has security vulnerabilities and may not display all features on this site and other sites.

Please update your browser using one of modern browsers (Google Chrome, Opera, Firefox, IE 10).

X