შეხვედრა მსოფლიოში ერთ-ერთი მასშტაბური ტურისტული გამოფენის ITB Berlin-ის მმართველ მენეჯერებთან

 

ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ გერმანიიდან  ITB Berlin-ის მმართველ მენეჯერებს უმასპინძლა.

მსოფლიოში ერთ-ერთი ყველაზე მასშტაბური ტურისტული გამოფენა-ბაზრობის ხელმძღვანელ პირებს საქართველოს ეკონომიკისა და მდგრადი განვითარების მინისტრი  გიორგი ქობულია და ტურიზმის ეროვნული ადმინისტრაციის ხელმძღვანელი მარიამ ქვრივიშვილი შეხვდნენ.

შეხვედრაზე მხარეებმა ისაუბრეს 2022 წელს აღნიშნული გამოფენის ფარგლებში საქართველოსთვის გამოფენის ოფიციალური მასპინძელი ქვეყნის სტატუსის მინიჭებაზე, რაც მნიშვნელოვნად გაზრდის საქართველოს, როგორც ტურისტული ქვეყნის, ცნობადობას საერთაშორისო მასშტაბით.

„ეს იქნება კარგი შესაძლებლობა, რადგან პირველად მოხდება საქართველოს წარდგენა ასეთ მასშტაბურ გამოფენაზე, როგორც მასპინძელი ქვეყანა,  ეს ხელსშეუწყობს ცნობადობის გაზრდას მსოფლიო მასშტაბით და მოიზიდავს მაღალმხარჯველუნარიან ტურისტებს საქართველოში.“ -განაცხადა მარიამ ქვრივიშვილმა

გერმანელმა სტუმრებმა საქართველოში ვიზიტის ფარგლებში მოინახულეს თბილისი და მცხეთა, ეწვევნენ თელავს, წინანდალს და სიღნაღს.

ტურიზმის ინდუსტრიაში ერთ-ერთ ყველაზე მასშტაბურ გამოფენა-ბაზრობაზე ITB Berlin ყოველწლიურად 180-ზე მეტი ქვეყნიდან 10 ათასი კომპანია არის წარმოდგენილი. გამოფენას დაახლოებით 170 ათასი სტუმარი ჰყავს. გამოფენაზე საქართველო ყოველწლიურად მონაწილეობს.

 

 

 

 

 

 

Your browser is out of date. It has security vulnerabilities and may not display all features on this site and other sites.

Please update your browser using one of modern browsers (Google Chrome, Opera, Firefox, IE 10).

X