ყაზახი ჟურნალისტები საქართველოს ტურისტულ პოტენციალს ეცნობიან

 

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგაზენებით საქართველოს ყაზახი ჟურნალისტები ეწვივნენ. ყაზახეთის ერთ-ერთი ყველაზე მაღალრეიტინგული სტუდიის „მიტრაფილმი“-ს გადამღები ჯგუფი საქართველოს შესახებ გასართობ-შემეცნებით გადაცემას ამზადებს, რომელიც ყაზახეთის რამდენიმე სატელევიზო არხზე გადაიცემა და მილიონობით მაყურებელი იხილავს. პრესტურის ფარგლებში ყაზახმა ჟურნალისტებმა თბილისი, მცხეთა, გორი, ბორჯომი, ქუთაისი და ბათუმი მოინახულეს. სატელევიზიო სიუჟეტში განსაკუთრებული ყურადღება საქართველოს საზღვაო კურორტებს და ქართულ კულინარიას დაეთმობა.
ყაზახეთი საქართველოსთვის ერთ-ერთი მნიშვნელოვანი ტურისტული ბაზარია. სტატისტიკური მონაცემებით, 2017 წლის 7თვეში ყაზახეთიდან საქართველოს 32 ათასზე მეტი საერთაშორისო მოგზაური ეწვია, ზრდა წინაწლის ანალოგიურ პერიოდთან შედარებით 18.7%-ით მეტია.

 

Your browser is out of date. It has security vulnerabilities and may not display all features on this site and other sites.

Please update your browser using one of modern browsers (Google Chrome, Opera, Firefox, IE 10).

X