ტურიზმის 2016 წლის ჯამური სტატისტიკა

 

2016 წელს საერთაშორისო მოგზაურების რაოდენობამ 6,350,825 შეადგინა, ზრდა წინა წლის ანალოგიურ პერიოდთან შედარებით +7.6%-ია. მთლიანი რაოდენობიდან 24 საათი და მეტი დროით 2,714,773 (+19%) ტურისტული ვიზიტი განხორციელდა. ყველაზე მეტი ვიზიტორი აზერბაიჯანიდან (+9.3%), სომხეთიდან (+1.9%), თურქეთიდან (-9.9%), რუსეთიდან (+12%) და უკრაინიდან (+21.8%) შემოვიდა.

პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში ჩამოსვლების რაოდენობის ზრდის კუთხით, 2016 წელს  გამოირჩნენ: ლატვია +24%, ლიტვა +16%, ჩეხეთი +15%, ბულგარეთი +12% და გერმანია +11%. განსაკუთრებული ზრდა კი  შემდეგი ქვეყნებიდან ფიქსირდება: ირანი +485%, ინდოეთი +199%, საუდის არაბეთი +116%, ომანი +75% და ჩინეთი +46%.

ქვეყანა 2015 2016 ცვლილება ცვლილება %
1 აზერბაიჯანი 1,393,257 1,523,075 129,818 9.3%
2 სომხეთი 1,468,888 1,496,246 27,358 1.9%
3 თურქეთი 1,391,721 1,254,089 -137,632 -9.9%
4 რუსეთი 926,144 1,037,564 111,420 12.0%
5 უკრაინა 141,734 172,631 30,897 21.8%
6 ირანი 25,273 147,915 122,642 485.3%
7 ისრაელი 59,487 92,213 32,726 55.0%
8 ყაზახეთი 36,777 48,809 12,032 32.7%
9 პოლონეთი 41,425 44,388 2,963 7.2%
10 გერმანია 36,826 40,889 4,063 11.0%

რაც შეეხება 2016 წლის დეკემბრის თვეს საქართველოს 486,141 საერთაშორისო მოგზაური ეწვია, რაც წინა წლის ანალოგიურ პერიოდთან შედარებით +4.3%-ით მეტია. მათ შორის 24 საათი და მეტი დროით განხორციელებულმა ტურისტულმა ვიზიტებმა 177,982 შეადგინა, ზრდა წინა წლის ანალოგიურ პერიოდთან შედარებით +14.8%-ია.

2016 წლის დეკემბრის თვეში  ყველაზე მეტი ვიზიტი სომხეთიდან (+9.5%), აზერბაიჯანიდან (+3.9%), თურქეთიდან (-16.7%), რუსეთიდან (-2.3%) და უკრაინიდან (+14.0%) განხორციელდა. საქართველოში ჩამოსვლების რაოდენობის ზრდის კუთხით დეკემბრის თვეში ევროკავშირის ქვეყნებიდან გამოირჩნენ: ბულგარეთი +51%, გერმანია +49%, გაერთიანებული სამეფო +44%, პოლონეთი +40% და ლიტვა +38%.  განსაკუთრებული ზრდა კი  შემდეგი ქვეყნებიდან დაფიქსირდა: ირანი +376%, ინდოეთი +119%, უზბეკეთი +86% და ჩინეთი +78%.

ვრცელი მიმოხილვისთვის იხილეთ შემდეგი ბმული.


დამატებითი სტატისტიკური ინფორმაციისათვის გადადით მითითებულ ბმულზე

 

Your browser is out of date. It has security vulnerabilities and may not display all features on this site and other sites.

Please update your browser using one of modern browsers (Google Chrome, Opera, Firefox, IE 10).

X