ტურიზმის ეროვნული ადმინისტრაციის საკონვენციო და საგამოფენო ბიურომ ქუვეითში პრეზენტაცია გამართა

 

საქართველოს ტურიზმის ეროვნული ადმინისტრაციის საკონვენციო და საგამოფენო ბიურომ ქუვეითში წამყვანი ტურ-ოპერატორებისთვის პრეზენტაცია გამართა. ღონისძიებას ქუვეითის ტურისტული სააგენტოების 60-ზე მეტი ტურ-ოპერატორი და საქართველოს ტურიზმის ეროვნული ადმინისტრაციის საკონვენციო და საგამოფენო ბიუროს წევრი 12 ორგანიზაციის წარმომადგენელი დაესწრო.

საქართველოს ცნობადობის ამაღლების და ქუვეითიდან საქართველოში ტურისტული ნაკადების მოზიდვის მიზნით შეხვედრები B2B ფორმატის ფარგლებში გაიმართა.

ღონისძიება ქუვეითში ავიაკომპანია Myway Airlines-ს მხარდამჭერით მოეწყო.   Myway Airlines პირდაპირ რეისებს ასრულებს თბილისიდან ქუვეითის მიმართულებით. 25 ივლისიდან კი ჩარტერული რეისები ბათუმიდან ქუვეითის მიმართულებითაც შესრულდება.

„საქმიანი ტურიზმის ხელშეწყობის მიზნით ტურიზმის ეროვნული ადმინისტრაციის საკონვენციო და საგამოფენო ბიურომ ქუვეითში შეხვედრები გამართა. პრეზენტაციას საკონვენციო და საგამოფენო ბიუროს წევრი ორგანიზაციების და ქუვეითის ტურისტული კომპანიების წარმომადგენლები დაესწრნენ. შეხვედრებზე კერძო სექტორის წარმომადგენლებს საშუალება ჰქონდათ დაემყარებინათ ბიზნესურთიერთობები, იმ მიზნით, რომ საქართველოში გაიმართოს დიდი ზომის კონგრესები და ღონისძიებები. „ -განაცხადა მარიამ ქვრივიშვილმა.

 

 

Your browser is out of date. It has security vulnerabilities and may not display all features on this site and other sites.

Please update your browser using one of modern browsers (Google Chrome, Opera, Firefox, IE 10).

X