საქართველო საქმიანი ტურიზმის გამოფენაზე ბარსელონაში IBTM 2016

 

საქართველოს ეკონომიკის სამინისტროს ტურიზმის ეროვნულმა ადმინისტრაციამ ქალაქ ბარსელონაში საქმიანი ტურიზმის გამოფენაში IBTM World მიიღო მონაწილეობა. გამოფენაზე ადმინისტრაციასთან ერთად რვა კერძო კომპანია იყო წარმოდგენილი. IBTM-ის ფარგლებში, ტურიზმის ეროვნული ადმინისტრაციის საკონვენციო და საგამოფენო ბიუროს წარმომადგენლებსა და სხვადასხვა კომპანიებს შორის ორმხრივი შეხვედრები შედგა, რომლის ფარგლებშიც მხარეებმა განიხილეს საქართველოში საქმიანი ტურიზმის კუთხით არსებული შესაძლებლობები და რესურსები. პარტნიორ ორგანიზაციებთან შეხვედრები ბარსელონაში ქართულმა კომპანიებმაც გამართეს .
საქართველოს ტურიზმის ეროვნული ადმინისტრაცია IBTM World-ის გამოფენაზე განახლებული ფორმატის სტენდითა და საპრომოციო მასალებით იყო წარმოდგენილი. გამოფენის განმავლობაში, ასევე გაიმართა პრეზენტაციები საქართველოს ტურისტული პოტენციალის შესახებ.
IBTM World ერთ-ერთი უმსხვილესი საქმიანი ტურიზმის გამოფენაა, რომელიც ქ. ბარსელონაში ყოველწლიურად იმართება.

 

Your browser is out of date. It has security vulnerabilities and may not display all features on this site and other sites.

Please update your browser using one of modern browsers (Google Chrome, Opera, Firefox, IE 10).

X