სარეგისტრაციო ფორმა

” მის ჩინეთი”-ს მონაწილეები საქართველოში

 

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით, საქართველოში „მის ჩინეთი“-ს კონკურსის ნახევარფინალი იმართება. ღონისძიებასთან დაკავშირებით საქართველოს 12 სექტემბერს თექვსმეტი კონკურსანტი ეწვია. „მის ჩინეთი“-ს მონაწილეები 22 სექტებრამდე დარჩებიან საქართველოში. სილამაზის კონკურსის ორგანიზატორი უმსხვილესი ჩინური სატელიტური ტელევიზია, Phoenix TV”-ია. ტელეკომპანია ევროპის ქვეყნებშიც მაუწყებლობს და მსოფლიო მასშტაბით დაახლოებით 250 მილიონი მაყურებელი ჰყავს. „Phoenix TV”-ის მიერ დაარსებული სილამაზის კონკურსი “Miss Chinese Cosmos Pageant”, ჩინეთის სახალხო რესპუბლიკაში ერთ-ერთ ცნობილ ღონისძიებად არის დასახელებული. ბოლო ათი წლის კონკურსი სხვადასხვა ქვეყნებში იმართებოდა . (ამერიკის შეერთებული შტატები, ავსტრალია, ევროპა და ტაიტის კუნძულები).
ღონისძიება ხელს შეუწყობს როგორც ჩინეთის ბაზარზე საქართველოს ტურისტული პოტენციალის პოპულარიზაციას, ისე ჩინელი და ევროპის ქვეყნებიდან ვიზიტორების მატებას.
ღონისძიების ფარგლებში იგეგმება თბილისის ისტორიული უბნების დათვალიერება, კონკურსის მონაწილეები მოინახულებენ ყაზბეგს, გორს, მცხეთას, ყვარელს, სიღნაღს. კონკურსანტების მონაწილეობით საქართველოს სხვადასხვა რეგიონებში დაგეგმილია ფილმის გადაღება,რომელიც 17 ოქტომბერს „მის ჩინეთი“-ს მსვლელობისას გაშუქდება და მილიონობით ადამიანი იხილავს.

 

Your browser is out of date. It has security vulnerabilities and may not display all features on this site and other sites.

Please update your browser using one of modern browsers (Google Chrome, Opera, Firefox, IE 10).

X